Psa 63 | NdeIBE | STEP | Ihubo likaDavida. WayeseNkangala yakoJuda. O Nkulunkulu, unguNkulunkulu wami, ngiyakudinga ngitshiseka; umphefumulo wami uyakomela, umzimba wami uyakudinga, elizweni elomileyo eseligugile lapho okungelamanzi khona.

Psalms 63

Ihubo likaDavida. WayeseNkangala yakoJuda.

1 O Nkulunkulu, unguNkulunkulu wami, ngiyakudinga ngitshiseka; umphefumulo wami uyakomela, umzimba wami uyakudinga, elizweni elomileyo eseligugile lapho okungelamanzi khona.

2 Ngikubonile endlini yakho engcwele ngawabona amandla akho lenkazimulo yakho.

3 Ngokuba uthando lwakho lungcono kulempilo, izindebe zami zizakutsho inkazimulo yakho.

4 Ngizakudumisa kokuphela uma ngisaphila, ngebizo lakho ngizaphakamisa izandla zami.

5 Umphefumulo wami uzasuthiswa ngokudla okuhle okuphilisayo; ngezindebe ezihlabelayo umlomo wami uzakudumisa.

6 Ngisembhedeni wami ngiyakhumbula; ngiyakukhumbula lanxa ngisemlindweni wasebusuku.

7 Ngokuba ulusizo lwami, ngiyahlabelela ngisemthunzini wamaphiko akho.

8 Umphefumulo wami unamathele kuwe; isandla sakho sokunene siyangisekela.

9 Labo abazingela impilo yami bazabhujiswa; bazakwehlela phansi ekujuleni komhlabathi.

10 Bazakwabelwa ukudliwa yinkemba babe yikudla kwamakhanka.

11 Kodwa inkosi izathokoza kuNkulunkulu; bonke abafunga ngebizo likaNkulunkulu bazamdumisa, ikanti imilomo yabaqamba amanga izathuliswa.